Irakli Davella, 47-vjeçari shqiptar, është ekzekutuar sot në një atentat të ndodhur në Greqi. Ai kishte marrë nënshtetësi greke në vitin 2009 dhe ishte pronar i një lokali në zonën e Peristerit në Athinë. Mësohet gjithashtu se gjatë verës ai ofronte automjete me qera në ishujt grekë.
Davella kishte një histori të gjatë biznesi. Në vitin 2006, ai regjistroi një biznes Kafe-Bar-Restorant në Sarandë, së bashku me tregtimin e artikujve ushqimorë dhe pijeve alkoolike, që ende funksionon në Delvinë. Po ashtu, në vitin 2020 ai krijoi një biznes për kultivimin e agrumeve në fshatin Xarrë të Bashkisë Konispol, i cili më pas u çrregjistrua.
Ky atentat ka ngritur dyshime mbi mundësinë e lidhjeve të Davellës me grupe kriminale, për shkak të përfshirjes së tij në aktivitete të ndryshme, por hetimet vazhdojnë për zbardhjen e plotë të ngjarjes.
