Sulmuesi shqiptar, Rey Manaj, ka marrë një goditje të rëndë në karrierën e tij në Turqi, pasi bordi drejtues i Sivassporit vendosi ta përjashtojë nga skuadra, vetëm pak javë para përfundimit të sezonit të Superligës turke.

Vendimi erdhi pas barazimit pa gola ndaj Bodrum FK, ku trajneri Rıza Çalımbay kritikoi ashpër performancën dhe përkushtimin e Manajt. “Nuk pati asnjë rast për shënim. Pse ta mbaj në fushë një lojtar pa asnjë rast? Nuk ishte dita e tij, ndaj e zëvendësuam,” tha Çalımbay, duke nënkuptuar pakënaqësinë e tij të thellë.

Pavarësisht statistikave të mira personale – 12 gola dhe 5 asistime në 27 paraqitje – raportet mes sulmuesit 28-vjeçar dhe stolitë janë përkeqësuar dukshëm, duke çuar drejt këtij vendimi të papritur.

Nëse përjashtimi do të jetë vetëm një episod apo sinjal për një largim të mundshëm në verë mbetet të shihet, por në këtë fazë të kampionatit, Sivasspori humbet një prej sulmuesve të tij më të rëndësishëm në luftën për mbijetesë.

Gjithçka mbetet në pritje të zhvillimeve të reja në skuadër dhe vendimin final të lojtarit për të ardhmen e tij.