Një shtetas shqiptar, i dënuar më parë me mbi 9 vite burg për një sërë veprash penale, mes të cilave tentativë vrasjeje, trafik droge, sulm, kërcënime dhe rezistencë ndaj një zyrtari publik, u arrestua së fundmi në Itali.

Sipas autoriteteve italiane, shqiptari, i cili kishte kryer këto vepra në provincën e Ferrarës deri në vitin 2017, u gjurmua dhe u arrestua nga karabinierët në zbatim të urdhrit të Gjykatës së Mbikëqyrjes së Bolonjës.

Ai ishte pranuar në një strukturë ku përfitonte nga dënimi alternativ, por gjatë qëndrimit aty dyshohet se kreu disa shkelje të rregullave, të cilat u konfirmuan nga karabinierët. Për këtë arsye, shqiptari u dërgua në burgun e Forlit, ku do të vuajë pjesën e mbetur të dënimit.