U mbyllen afatet për kreun e Byrosë Kombëtare të Hetimit, ish-drejtori i Policisë Gledis Nano kandidon zyrtarisht  për kandidaturat për drejtuesin e ri të Byrosë Kombëtare të Hetimit (BKH). Procesi i përzgjedhjes po zhvillohet nga Komisioni i Përzgjedhjes në SPAK, i përbërë nga prokurorët Altin Dumani, Arben Kraja dhe Behar Dibra.

Ndër kandidatët që kanë shprehur interes dhe kanë dorëzuar dokumentacionin zyrtar është edhe ish-drejtori i Policisë së Shtetit, Gledis Nano, i cili ka kandiduar gjatë ditës së enjte.

Mandati i Aida Hajnajt, drejtueses aktuale të BKH-së, përfundon më 31 gusht. Ajo kishte të drejtën për të garuar për një mandat të ri, por për shkak se nuk dorëzoi dokumentet e nevojshme brenda afatit, u përjashtua nga procesi i rikandidimit.

Pritet që në ditët në vijim të bëhen publikë emra të tjerë që do të garojnë për këtë post të rëndësishëm.