Partia Demokratike, dega Vlorë, ka zhvilluar sot një mbledhje të kryesisë nën drejtimin e deputetit Bujar Leskaj, me fokus procesin e përzgjedhjes së kandidatit për kryetar bashkie në zgjedhjet e pjesshme të 9 nëntorit.

Gjatë takimit u theksua se PD Vlorë është tërësisht e angazhuar në këtë garë, ndërsa konsultimet do të vijojnë edhe nesër, jo vetëm me forumet e degës, por edhe me mbledhje në rajone të ndryshme të qytetit dhe qarkut.

Nga diskutimet e kryesisë, janë propozuar pesë emra si kandidatë potencialë:
• Eralba Kreshpa
• Alta Azizi Haluci
• Atird Hoxha
• Genti Hamzaraj
• Rezembrik Serjani

Procesi i konsultimeve pritet të vijojë në ditët në vijim, me synim finalizimin e kandidaturës që do të përfaqësojë demokratët në garën për kryetar bashkie në Vlorë.