Komisioni Qendror i Zgjedhjeve (KQZ) ka zyrtarizuar fletët e votimit dhe renditjen e kandidatëve për zgjedhjet e pjesshme lokale që do të zhvillohen në 6 bashki të vendit: Vlorë, Berat, Cërrik, Mat dhe Tepelenë.
Këto zgjedhje mbahen pas largimeve të disa kryebashkiakëve aktualë, të cilët morën mandate deputetësh apo poste qeveritare.

🗳️ Bashkia Vlorë

Në Vlorë, Partia Socialiste garon me deputeten Brunilda Mersini, ndërsa opozita mbështet kandidatin e pavarur Dionis Sota.
Në garë është edhe Gjergji Nika, këshilltar demokrat në bashki, që kandidon si i pavarur.

🗳️ Bashkia Berat

Në Berat, Ervin Ceca, aktualisht nënkryetar i bashkisë dhe drejtues i saj pas dorëheqjes së Ervin Demos, është kandidati i PS-së.
Përballë tij qëndron Pavlo Shkarpa, biznesmen që kandidon si i pavarur me mbështetjen e opozitës.

🗳️ Bashkia Tepelenë

Në Tepelenë, Gramos Sako, ish-drejtor i Gardës së Republikës për 11 vite, garon në emër të Partisë Socialiste.
Kundërshtari i tij është Gabriel Guma, kandidat i pavarur me mbështetjen e opozitës.

🗳️ Bashkia Cërrik

Pas emërimit të kryebashkiakut Andis Salla si ministër i Bujqësisë, drejtimin e përkohshëm të bashkisë e ka marrë Florenc Doka, që tashmë është kandidati zyrtar i PS-së.
Opozita mbështet dy kandidatë të pavarur:
• Amarildo Hoxha, me mbështetjen e Partisë Demokratike;
• Eligert Hima, që garon nën siglën “Shqipëria Bëhet”.

🗳️ Bashkia Mat

Në Mat, gara zhvillohet mes tre kandidatëve.
Pas largimit të Agron Malajt për të hyrë në Kuvend, Partia Demokratike mbështet avokatin Eduart Brahilika, si kandidat të pavarur.
Partia Socialiste garon me Altin Bojnin, aktualisht kryetar në detyrë i bashkisë.
Ndërkohë, Suzana Pasha, ish-drejtuesja e Forumit të Gruas Socialiste në Mat, ka zgjedhur të kandidojë si e pavarur, pas përplasjeve me strukturat lokale të PS-së.