Në Pallatin e Kongreseve po zhvillohen homazhet në nderim të ish-kryeministrit dhe liderit historik të Partisë Socialiste, Fatos Nano.
Ceremonia ka mbledhur qindra qytetarë, personalitete të jetës politike dhe publike, të cilët kanë ardhur për të nderuar kontributin e tij në tranzicionin demokratik të Shqipërisë.
Grupi parlamentar i Partisë Socialiste mori pjesë i plotë në homazhe, me në krye drejtues të lartë si Bledi Çuçi, Taulant Balla, Elisa Spiropali, Bledi Klosi, Gramoz Ruçi dhe Ogerta Manastirliu. Ata vlerësuan figurën e Nanos si themelues të modernizimit të së majtës shqiptare dhe si një nga arkitektët e periudhës postkomuniste.
Në ceremoninë solemne, përveç socialistëve, u panë edhe përfaqësues të opozitës, duke e kthyer nderimin për Fatos Nanon në një moment uniteti kombëtar përtej ndasive politike.
