Tepelenë – Specialistët për Hetimin e Krimeve në Komisariatin e Policisë Tepelenë referuan materialet në Prokurori, ku nisi procedimi penal ndaj shtetasit E. A., 20 vjeç, banues në Libohovë.
Gjithashtu, policia shpalli në kërkim shtetasin S. A., 19 vjeç, banues në fshatin Progonat, pasi dyshohet se së bashku kanë dëmtuar një automjet dhe kanë kërcënuar me armë gjahu shtetasin B. K., 23 vjeç, banues në Gjirokastër.
Policia njofton se po vijon puna intensive për kapjen e të riut 19-vjeçar.
