Kompania amerikane 1X me seli në Palo Alto ka prezantuar robotin humanoid NEO, i cili po cilësohet si një nga shpikjet më të rëndësishme të shekullit XXI. Ai mund të blihet për 20 mijë dollarë ose të merret me abonim mujor prej 499 dollarësh.

Me peshë 30 kilogramë dhe gjatësi 1.68 metra, NEO është i aftë të mbajë ngarkesa deri në 25 kilogramë. I pajisur me teknologji Nvidia, roboti ka bateri që zgjat katër orë, kamera fish-eye për shikim të gjerë dhe altoparlantë për komunikim.

NEO kryen detyra bazë si pastrimi, larja e rrobave dhe sistemimi i sendeve, ndërsa për funksione të reja mund të trajnohet nga ekspertët e kompanisë përmes seancave të posaçme. Përveç ndihmës praktike, ai mund të shërbejë edhe si asistent personal inteligjent, duke e bërë jetën më të lehtë dhe më të organizuar për përdoruesit.