Julian Sulo, 45-vjeçari që i shpëtoi një atentati disa ditë më parë në Lushnjë, ka dhënë deklarimin e tij zyrtar para grupit hetimor. Sulo mbeti i plagosur lehtë në këmbë gjatë sulmit të armatosur, ndërsa autorët u larguan menjëherë nga vendngjarja.

Në dëshminë e tij, Sulo ka mohuar të ketë pasur konflikte apo përplasje me persona që mund t’i kishin motivuar sulmin.

“Nuk i njoh personat që më qëlluan, nuk kam konflikt me askënd,” ka deklaruar ai para policisë.

Ndërkohë, strukturat e policisë së Lushnjës dhe specialistët e krimeve po vijojnë hetimet, duke analizuar pamjet e sigurisë, dëshmitë dhe provat balistike, me qëllim identifikimin e autorëve dhe zbardhjen e motivit të atentatit.

Ngjarja mbetet e paqartë, ndërsa hetimet janë intensifikuar në disa pista të mundshme.