Karabinierët italianë në rajonin e Anagni kanë arrestuar një 23-vjeçar shqiptar gjatë një aksioni kundër trafikimit të drogës. Operacioni u zhvillua dy ditë më parë në rrugën “Via Casilina”, gjatë një patrullimi rutinë.

Efektivët vunë re një makinë me dy persona, e cila tentoi t’i shmangej kontrollit duke bërë një kthesë në formë U-je, por automjeti u kap në zonën Osteria della Fontana.

Gjatë kontrollit, i riu, i ulur në sediljen e pasagjerit, përpiqej të hiqte një pako të fshehur në xhaketën e tij. Karabinierët gjetën 14 doza kokainë me peshë rreth 7 gramë dhe 440 euro cash.

23-vjeçari u arrestua dhe u vu në dispozicion të autoriteteve gjyqësore. Bashkëpunëtori i tij, një shqiptar 38-vjeçar që drejtonte automjetin, ndodhet në arrati. Kontrolli ishte pjesë e një fushate më të gjerë të Karabinierëve të Anagni kundër shpërndarjes së drogës në zonë.

Më vonë, Gjykata e Frosinone-s vlerësoi arrestimin si të ligjshëm dhe lëshoi një urdhër dëbimi për 23-vjeçarin. Ai u shoqërua në Zyrën e Imigracionit dhe më pas u dërgua në qendrën e pritjes në Potenza, në pritje të largimit nga Italia.