Era e fortë që ka përfshirë jugun e vendit gjatë natës ka rrëzuar disa pemë, të cilat kanë bllokuar rrugën e Llogarasë dhe kanë dëmtuar linjat elektrike, duke lënë zonën pa energji elektrike. Ekipet e emergjencës janë në vendngjarje, duke punuar për pastrimin e rrugës dhe rikthimin e qarkullimit normal, ndërsa punonjësit e OSHEE-së po angazhohen për rikuperimin e furnizimit me elektricitet.