Një ngjarje e rëndë është regjistruar paraditen e kësaj të premte në Gjirokastër, ku një 60-vjeçar ka humbur jetën pas rënies nga një lartësi e konsiderueshme.

Viktima është Krenar Stroka, bashkëpronar i hotelit të njohur “Olimpik”. Sipas Policisë, ai ndodhej në tarracën e godinës kur ka rënë nga një lartësi rreth 15 metrash, në rrethana ende të paqarta.

Menjëherë pas ngjarjes, në vend kanë mbërritur shërbimet policore dhe grupi hetimor, të cilët po punojnë për të sqaruar plotësisht dinamikën dhe shkaqet e incidentit.

Trupi i pajetë është transportuar për ekspertizë mjeko-ligjore, ndërsa hetimet vijojnë për zbardhjen e rrethanave të plota të kësaj ngjarjeje tragjike.