Në rubrikën “Trotuar” në emisionin E Diell, ish-banorja e Big Brother VIP Albania, Edisa Demollari, ka komentuar marrëdhënien mes Brikenës dhe Mateos, si dhe aludimet që e përfshijnë edhe atë.

Demollari u shpreh kritike për rrugëtimin e një prej banorëve drejt finales, duke theksuar se nuk e konsideron të drejtë promovimin e sjelljeve që, sipas saj, cenojnë figurën e një vajze në publik. “Unë si vajzë, nuk do doja kurrë që një djalë që përmend të shkuarën e një vajze në publik të shkojë në finale,” deklaroi ajo.

Duke komentuar dinamikën mes Brikenës dhe Mateos, ajo la të kuptohet se gjithçka mund të ketë qenë pjesë e një strategjie loje. “Mendoj që ata e kanë lojë, një lojë që është luajtur bukur,” u shpreh Demollari.

Ajo shtoi se disa prej situatave brenda shtëpisë i kishte parashikuar më herët, duke i cilësuar zhvillimet si të pritshme. Ndërkohë, Demollari mohoi kategorikisht çdo lidhje me Mateon, duke theksuar se nuk kanë njohje jashtë formatit.

Në lidhje me akuzat për xhelozi, ajo i cilësoi të pabaza, ndërsa në fund dha edhe një vlerësim personal, duke e konsideruar Mateon “një djalë të mirë”, por duke nënvizuar rëndësinë e karakterit përtej pamjes fizike.