Një automjet është përfshirë nga flakët gjatë natës në lagjen nr. 4 të Sarandës, duke u djegur plotësisht.

Sipas informacioneve paraprake, mjeti rezulton në pronësi të shtetasit A. P., 38 vjeç. Autoritetet bëjnë me dije se ai ka precedentë të mëparshëm penalë.

Burime policore konfirmojnë se 38-vjeçari është dënuar më herët për vepra penale që lidhen me marrëdhënie seksuale me të mitur dhe përndjekje.

Policia dhe grupi hetimor ndodhen në vendngjarje dhe po punojnë për identifikimin e autorëve të mundshëm, si dhe për zbardhjen e plotë të rrethanave. Dyshimet e para janë se mund të bëhet fjalë për zjarrvënie të qëllimshme.