Kryeministri Edi Rama ka publikuar një foto nga Roma, ku është takuar me homologen italiane Giorgia Meloni, duke përcjellë një mesazh për forcimin e marrëdhënieve mes dy vendeve.

Në postimin e tij, Rama vlerëson rolin e Italisë ndër vite, duke theksuar se qeveritë italiane kanë qenë vazhdimisht pranë Shqipërisë gjatë tre dekadave të fundit.

Ai ndalet veçanërisht te bashkëpunimi aktual me qeverinë e drejtuar nga Meloni, që sipas tij ka sjellë një intensitet më të madh në projektet e përbashkëta.

Kryeministri e përshkruan këtë fazë si një hap përpara në raportet dypalëshe, me fokus te projektet konkrete dhe bashkëpunimi strategjik, duke theksuar se afrimi me Italinë pritet të ndikojë drejtpërdrejt në zhvillimin ekonomik dhe forcimin e sigurisë në Shqipëri.