Mbrëmja finale e spektaklit Big Brother VIP Albania 5 është shoqëruar me tensione të forta mes katër finalistëve, ku debatet dhe akuzat reciproke kanë dominuar skenën.

Në qendër të përplasjes kanë qenë Rogerti dhe Miri, të cilët kanë shkëmbyer akuza të drejtpërdrejta për prishjen e aleancës dhe përdorimin e njëri-tjetrit për të arritur deri në finale.

Miri akuzoi Rogertin se e kishte përdorur miqësinë për interes loje, ndërsa ky i fundit kundërshtoi duke deklaruar se rivali i tij kishte mbetur pa strategji dhe pa rol në lojë.

Debati i plotë:

“Rogerti është si kasetë e prishur. Vetëm ofendime dhe akuza. Asnjë akuzë e re, vetëm ofendime të reja. I ka futur thikë pas shpine Mirit”, u shpreh Mateo.

“O Miri, mos u shit me ato mesazhe ‘Big Love’. Nuk të ka ardhur mesazh për lojtar”, iu kundërpërgjigj Rogerti.

“Çfarë lojtari je ti?”, reagoi Miri.

“Ti, zotëri, ke ngelur pa lojë”, vijoi Rogerti.

Miri e ashpërsoi tonin duke thënë: “Jam super lojtar. Edhe të kam përdorur. Ke qenë ushtari im kamikaz.”

Ndërkohë, Rogerti deklaroi: “Jam strateg. Unë nuk të mbaj më me mirësjellje.”

Përplasja vijoi me akuza të ndërsjella, ku Miri theksoi se kishte qenë objekt sulmesh për shkak të afrimit me Rogertin, ndërsa ky i fundit këmbënguli se rivali i tij nuk ishte një lojtar i fortë.

Mateo ndërhyri duke e cilësuar situatën si “niveli më i ulët i shoqërisë”, ndërsa Selin shtoi se përplasja mes tyre kishte qenë e parashikueshme.

Finalja e këtij edicioni po zhvillohet në një klimë të tensionuar, ku aleancat e mëparshme duket se janë shkatërruar plotësisht, duke lënë vend për përballje të drejtpërdrejta mes finalistëve.