Policia e Durrës ka finalizuar operacionin e koduar “Mesnata”, duke vënë në pranga një 32-vjeçar që qarkullonte i armatosur në qytet.

Sipas njoftimit zyrtar të Policia e Shtetit, në kuadër të kontrolleve për goditjen e armëmbajtjes pa leje, shërbimet e Forcës së Posaçme “Shqiponja”, në bashkëpunim me strukturat e hetimit të krimeve, ndaluan në lagjen nr. 18 një automjet me drejtues shtetasin me inicialet E. K..

Gjatë kontrollit fizik, në çantën e tij u gjet një armë zjarri pistoletë pa leje, ndërsa në banesë iu sekuestrua edhe një sasi municioni luftarak.

Nga verifikimet e mëtejshme rezultoi se 32-vjeçari drejtonte automjetin pa leje drejtimi.

Në përfundim të veprimeve procedurale, ai u arrestua në flagrancë për veprat penale “Mbajtja pa leje e armëve dhe municionit” dhe “Drejtimi i automjeteve në mënyrë të parregullt”. Materialet i janë referuar Prokurorisë për veprime të mëtejshme.