Një aksident i rëndë rrugor është regjistruar pasditen e kësaj të mërkure pranë Thumanë, në aksin e vjetër Fushë Krujë–Thumanë.

Sipas informacioneve paraprake, dy automjete janë përplasur me njëra-tjetrën dhe më pas kanë dalë jashtë rruge. Si pasojë e përplasjes, ka humbur jetën drejtuesi i njërit prej mjeteve, Arben Jangozi.

Nga aksidenti kanë mbetur të plagosur edhe tre persona, të cilët janë transportuar për ndihmë mjekësore, ndërsa gjendja e tyre shëndetësore nuk bëhet ende e ditur.

Sipas raportimeve, në njërin prej automjeteve ndodhej edhe një fëmijë.

Policia ndodhet në vendngjarje dhe ka nisur hetimet për zbardhjen e plotë të rrethanave dhe shkaqeve të aksidentit.