Ka përfunduar procesi i numërimit të votave në degën e Partisë Demokratike në Kukës, ku fitues është shpallur Rrahman Demaj.

Demaj ka marrë 642 vota, ndërsa kundërshtari i tij Sabah Cenaj ka siguruar 273 vota. Në proces morën pjesë 927 anëtarë nga rreth 1700 të regjistruar, duke reflektuar një pjesëmarrje të konsiderueshme.

Pas shpalljes së rezultatit, Rrahman Demaj falënderoi mbështetësit dhe u shpreh se do të fokusohet në bashkimin e strukturave dhe forcimin e degës.

Nga ana e tij, Sabah Cenaj pranoi rezultatin, duke e cilësuar procesin të rregullt dhe duke theksuar rëndësinë e unitetit pas garës së brendshme.

Drejtuesi politik Flamur Hoxha përgëzoi të dy kandidatët dhe nënvizoi se prioritet mbetet forcimi i partisë dhe përgatitja për sfidat politike të ardhshme.