Deputeti i Partisë Demokratike, Klevis Balliu, ka reaguar pas përfundimit të procesit zgjedhor në Degën 16, duke përshëndetur garën dhe pjesëmarrjen e anëtarëve.

Në një postim në rrjetet sociale, Balliu uroi kandidaten Luljeta Karamuça dhe fituesin Eduard Rexha për një garë, sipas tij, dinjitoze, si dhe falënderoi anëtarësinë për angazhimin në proces.

“Partia Demokratike mbetet e vetmja forcë politike në Shqipëri ku vendimet merren me votë,” u shpreh Balliu në reagimin e tij.

Procesi zgjedhor në degën përkatëse u mbyll me shpalljen e rezultateve, ndërsa drejtuesit e PD e kanë vlerësuar atë si pjesë të riorganizimit të brendshëm të partisë.