Autoritetet italiane kanë arrestuar një shtetas shqiptar, i cili u kap me një sasi të konsiderueshme lënde narkotike gjatë një kontrolli në automjet.

Sipas mediave, në mjetin e tij u gjetën dhe u sekuestruan 45 kilogramë kokainë, të ndara në 40 blloqe nga 1 kilogram secila. Pakot ishin të mbështjella me celofan dhe mbanin logon “T&CO”, të lidhur me markën e njohur Tiffany & Co..

Gjatë kontrollit në banesën e tij, policia sekuestroi gjithashtu një automjet tjetër të regjistruar në emrin e të dyshuarit, rreth 1 kilogram kokainë shtesë dhe 10 mijë euro cash.

Burimet bëjnë me dije se që në momentin e ndalimit, i dyshuari ka shfaqur sjellje nervoze dhe ka dhënë shpjegime të paqarta për lëvizjet e tij, çka ngriti dyshimet e policisë.

Ky është sekuestrimi i dytë i rëndësishëm në një periudhë të shkurtër kohore përgjatë autostradave italiane, pasi në fund të marsit u kapën edhe 2 kilogramë kokainë pas një ndjekjeje që zgjati mbi 30 kilometra.

Shqiptari është arrestuar nën akuzën e trafikimit të lëndëve narkotike dhe pritet të përballet me drejtësinë në Itali.