Brikena Selmani ishte e ftuar mbrëmjen e djeshme në Goca dhe Gra, ku foli për eksperiencën e saj në Big Brother VIP Albania, raportin me publikun dhe historinë e dashurisë me Mateon.

Ish-banorja u shpreh se i ka ardhur keq që u eliminua para Rogerit, pasi besonte se do të shkonte më larg në garë.

“Më ka ardhur keq që kam dalë para Rogertit, sepse kam menduar se e mira në fund fiton. Por kur dola jashtë kuptova se publiku më ka mirëpritur njësoj si të isha finaliste”, tha Brikena Selmani.

Ajo foli edhe për paragjykimet që mund të ketë marrë për shkak të pamjes dhe mënyrës së të veshurit, duke theksuar se ka dashur të tregojë karakterin e saj të vërtetë.

“Pavarësisht pamjes dhe veshjes time, kam treguar se jam ky person dhe se veshja nuk e bën njeriun. Nuk ka asgjë të keqe nëse kërcen apo vishesh. Unë kam dashur të tregoj karakterin tim dhe jo atë Brikenën e lazdruar”, u shpreh ajo.

Në intervistë, Brikena ndau edhe detaje nga marrëdhënia me Mateo, duke lënë të kuptohet se romanca mes tyre po vazhdon edhe jashtë shtëpisë së famshme.

“Kur vij në Tiranë, jam në prezencë të Mateos. Ndihem shumë mirë me Mateon dhe shpresoj më të mirën dhe të mos ndahemi. Nuk do doja ta mendoja fare ndarjen me të”, deklaroi ajo.

Në fund, Brikena Selmani zbuloi se pas daljes nga formati ka marrë oferta të shumta, duke lënë të hapur mundësinë e një projekti televiziv në të ardhmen.

“Kam pasur shumë oferta pas Big… ndoshta mund të më shihni në televizion”, tha ajo pa dhënë më shumë detaje.