Poetja Mimoza Ahmeti vijon të jetë një nga personazhet më të komentuara në Ferma VIP, jo vetëm për debatet dhe karakterin e saj të drejtpërdrejtë, por edhe për rrëfimet personale që ka ndarë me banorët.

Gjatë një bisede me Zhakun dhe Kostanën, Moza foli sërish për partnerin e saj Leo dhe problemin shëndetësor me të cilin ai përballet prej vitesh. Ajo tregoi se ka kaluar një periudhë shumë të vështirë, duke e cilësuar sakrificën e saj si “të llahtarshme”.

“Unë kam punuar shumë. Kjo sakrifica me këtë që mbaj 8 vite ka qenë e llahtarshme. Por më tha dikush që ka klinika jashtë që mund ta rregullojnë. Në Europë ka, por është çështje lekësh”, u shpreh Mimoza Ahmeti.

Poetja u shfaq optimiste për mundësinë e trajtimit të partnerit të saj jashtë vendit, ndërsa shtoi me emocion:

“Jam e gëzuar. Pastaj të shohim kur të shërohet a do jetë më i njëjti.”

Në vijim të bisedës, ajo ndau edhe një moment personal me partnerin, duke treguar se kishte menduar të blinte një shtëpi të vogël nëse do të arrinte të shiste një pikturë me vlerë.

“I thash një herë po shita ndonjë pikturë të shtrenjtë, se ndodh ndonjëherë që bie daci në kos, e i thash të blejmë një shtëpi të vogël. E më tha ai: ‘Pse do ta komplikosh këtë gjë?’… pastaj më tha: ‘Po ku e di se kush jam unë, mbase kam një shtëpi timen’”, rrëfeu ajo.