Në Big Brother VIP Albania, DJ Gimbo dhe Mateo Borri u shfaqën si dy nga banorët që krijuan një raport të afërt dhe një miqësi që dukej se do të vazhdonte edhe jashtë shtëpisë më të famshme në Shqipëri.

Gjatë qëndrimit të tyre në reality show, ata shpesh shpreheshin se lidhja mes tyre ishte reale dhe se do ta ruanin edhe pas përfundimit të eksperiencës në BBV. Megjithatë, duket se raportet mes ish-banorëve kanë ndryshuar.

Së fundmi është vënë re se DJ Gimbo dhe Mateo Borri nuk e ndjekin më njëri-tjetrin në rrjetin social “Instagram”, duke ngritur dyshime për një krisje të mundshme në miqësinë e tyre.

Jo vetëm kaq, por Mateo nuk ndjek më as Selin Bollati, me të cilën pati momente të afërta gjatë qëndrimit në shtëpi, edhe pse mes tyre nuk munguan debatet dhe përplasjet.

Ndërkohë, Selin Bollati dhe Brikena Selmani vazhdojnë të ndiqen me njëra-tjetrën në Instagram, çka ka shtuar edhe më shumë kureshtjen e fansave për marrëdhëniet mes ish-banorëve pas përfundimit të spektaklit.

Deri më tani, asnjëri prej tyre nuk ka reaguar publikisht për të sqaruar se çfarë ka ndodhur mes tyre, ndërsa ndjekësit po aludojnë për një distancim të mundshëm jashtë kamerave.