Policia e Lezhës ka arrestuar në flagrancë një 20-vjeçar, Orgest Peca, i dyshuar si autor i aksidentit të rëndë me pasojë vdekje në aksin rrugor Thumanë–Laç.

Ngjarja ka ndodhur rreth orës 23:30 të mbrëmjes së 19 majit 2026, ku automjeti i drejtuar nga i riu është përplasur me një tjetër mjet që drejtohej nga Nikolin Gjoni, 56 vjeç.

Si pasojë e përplasjes së fortë, drejtuesi i mjetit tjetër ka humbur jetën në vend, ndërsa tre pasagjerë që ndodheshin në automjet janë plagosur dhe janë transportuar drejt Spitalit të Traumës në Tiranë për mjekim më të specializuar.

Policia bën me dije se 20-vjeçari është arrestuar për veprën penale “shkelja e rregullave të qarkullimit rrugor”, ndërsa materialet i janë referuar Prokurorisë për veprime të mëtejshme hetimore.