Forcat speciale të Ukrainës kanë goditur një objekt të Shërbimit Federal të Sigurisë së Rusisë (FSB) në zonën e pushtuar të rajonit Kherson, sipas autoriteteve ukrainase.

Sipas njoftimeve zyrtare, gjatë operacionit është shkatërruar edhe një sistem rus i mbrojtjes ajrore Pantsir-S1. Operacioni është kryer nga njësitë speciale të Qendrës A të Shërbimit të Sigurisë së Ukrainës (SSU).

Presidenti ukrainas Volodymyr Zelensky ka publikuar një video të aksionit në platformën “X”, ku deklaron se sulmi ka shkaktuar humbje të konsiderueshme për forcat ruse, përfshirë rreth 100 të vrarë dhe të plagosur.

Autoritetet ukrainase e kanë paraqitur operacionin si një goditje të rëndësishme ndaj infrastrukturës ushtarake ruse në territoret e pushtuara, ndërsa pala ruse nuk ka reaguar ende zyrtarisht mbi pretendimet.