Kuvendi i Shqipërisë do të zhvillojë sot, në orën 17:00, seancën plenare të radhës, ku deputetët pritet të shqyrtojnë disa projektvendime të rëndësishme që lidhen me organizimin dhe funksionimin e komisioneve të përhershme parlamentare.

Në pjesën e parë të seancës do të diskutohet projektvendimi për zgjedhjen e kryesive të komisioneve të përhershme të Kuvendit, një hap i rëndësishëm për strukturimin e punës parlamentare në vijim.

Më pas, deputetët do të shqyrtojnë projektvendimin për caktimin e përbërjes së komisioneve të përhershme, si dhe projektvendimin për emërimin e anëtarëve zëvendësues në këto komisione.

Pas përfundimit të procedurave të votimit, seanca do t’i kalojë diskutimeve për çështje të evidentuara nga zgjedhësit, ku deputetët do të paraqesin problematika dhe shqetësime të ngritura nga qytetarët.

Debati parlamentar është parashikuar të zgjasë deri në katër orë dhe koha është ndarë mes grupeve politike. Grupi parlamentar i Partia Socialiste e Shqipërisë do të ketë në dispozicion 142 minuta, ndërsa grupi parlamentar i Partia Demokratike e Shqipërisë 60 minuta.

Ndërkohë, Aleanca për Ndryshim dhe Partia e Lirisë do të kenë nga 12 minuta secila, ndërsa deputetët jashtë grupeve parlamentare do të ndajnë mes tyre gjithsej 16 minuta diskutim.

Seanca pritet të shënojë një nga mbledhjet e para me fokus organizimin e strukturave parlamentare dhe adresimin e çështjeve të ngritura nga qytetarët.