Vetëm pak ditë para finales së madhe të Ferma VIP, debatet rreth mënyrës së zhvillimit të lojës vijojnë të dominojnë diskutimet mes publikut dhe ish-konkurrentëve.

Në qendër të vëmendjes këtë herë është vendosur Mimoza Ahmeti, e cila gjatë Prime-it të fundit ngriti dyshime mbi mënyrën e menaxhimit të formatit dhe atë që ndodh pas kamerave. Ndërsa fokusi pritej të ishte te Vis Pupa, i shpallur i preferuari i javës, poetja zgjodhi të shprehë hapur rezervat e saj ndaj produksionit.

Pas deklaratave të saj ka reaguar ish-konkurrenti Akil Varfi, i cili i ka dalë publikisht në mbështetje përmes një postimi në rrjetet sociale.

“Mimoza nuk është një personazh ‘kazani’ dhe është e pamundur të manipulohet përmes skenarëve të parapërgatitur”, shkroi Varfi, duke shtuar se niveli i saj intelektual dhe akademik qëndron përtej kufijve të një formati televiziv.

Ai nuk i kurseu kritikat ndaj stafit realizues të spektaklit, duke deklaruar se pushteti që ka një produksion televiziv nuk duhet të përdoret për të ndikuar te njerëzit apo karrierat e tyre.

Në fund të reagimit të tij, aktori bëri edhe deklaratën që ka nxitur më shumë diskutime në rrjet:

“Shpallni Mozën fituese dhe atë tipen kalojeni në vend të dytë.”

Deklarata e Varfit pritet të shtojë më tej debatet rreth finales së afërt të spektaklit, ndërsa publiku vazhdon të ndjekë me interes zhvillimet e fundit brenda fermës.