UEFA ka reaguar me një mesazh ngushëllimi pas ndarjes nga jeta të futbollistit 22-vjeçar të AF Elbasani, Fatjon Bunjaku.
Përmes një postimi prekës, institucioni më i lartë i futbollit europian i ka shprehur ngushëllimet Federata e Futbollit e Kosovës dhe familjes së lojtarit, duke theksuar se komuniteti sportiv është pranë tyre në këtë moment të vështirë.
“Ne shprehim ngushëllimet dhe mbështetjen tonë më të thellë për Federatën e Futbollit të Kosovës pas ndarjes nga jeta të 22-vjeçarit Fatjon Bunjaku. Mendimet tona janë me familjen, miqtë dhe ish-shokët e tij të ekipit gjatë kësaj kohe të vështirë”, thuhet në reagimin e UEFA-s.
Ndarja tragjike nga jeta e futbollistit të ri ka sjellë reagime të shumta në botën e sportit, ku klube, futbollistë dhe figura të njohura kanë shprehur dhimbjen dhe solidaritetin e tyre me familjen e të ndjerit.
Fatjon Bunjaku konsiderohej një nga talentet e rinj të futbollit shqiptar, ndërsa humbja e tij pas një aksidenti tragjik ka lënë një boshllëk të madh te familjarët, miqtë dhe komuniteti sportiv.
