Pesë persona kanë humbur jetën dhe tetë të tjerë kanë mbetur të plagosur si pasojë e një sulmi izraelit në qytetin jugor të Tir, njoftoi Ministria e Shëndetësisë e Libanit.

Sipas autoriteteve libaneze, sulmi ka ndodhur pranë një qendre të Kryqi i Kuq.

“Një sulm i kryer nga forcat izraelite në qytetin e Tirit, pranë qendrës së Kryqit të Kuq, shkaktoi vdekjen e pesë personave dhe plagosjen e tetë të tjerëve, përfshirë katër punonjës të shërbimeve të emergjencës së Kryqit të Kuq”, thuhet në deklaratën e ministrisë.

Mes të plagosurve raportohet se janë edhe katër punonjës të shërbimeve të emergjencës, të cilët ndodheshin në zonë në momentin e sulmit.

Ngjarja vjen në një kohë tensionesh të larta në rajon. Më herët, Izraeli kishte deklaruar se do të vazhdonte operacionet ushtarake në Libani kundër Hezbollah, pavarësisht paralajmërimeve të Irani për reagime dhe hakmarrje.

Situata në kufirin mes Izraelit dhe Libanit mbetet e tensionuar, ndërsa autoritetet dhe organizatat ndërkombëtare po monitorojnë nga afër zhvillimet.