Kreu i Partisë “Mundësia”, Agron Shehaj, ka lëshuar akuza të forta nga foltorja e Kuvendit, duke kritikuar ashpër qeverinë dhe mënyrën e qeverisjes.

Shehaj tha se qytetarët janë të pakënaqur dhe se, sipas tij, situata politike kërkon ndryshim të menjëhershëm institucional.

“Zbatoni ligjet e Kushtetutën. I shihni njerëzit që kanë dalë apo jo… Janë me dhjetëra mijëra… Kuvendi duhet të shkrihet nuk ju duan më njerëzit duhet të vijnë t’ju marrin zvarrë”, u shpreh Shehaj.

Ai vijoi me tone edhe më të ashpra ndaj përfaqësuesve të mazhorancës, duke iu drejtuar drejtpërdrejt edhe deputetëve socialistë.

“Taulant kujdes kur kalon afër koshit të plehrave se mund të të marrin e t’ju fusin atje siç kanë bërë në vende të tjera”, deklaroi ai.

Shehaj shtoi se zhvillimet e fundit politike do të mbahen mend si “qershori i protestave” dhe kërkoi zgjedhje të reja, duke argumentuar se, sipas tij, qytetarët duhet të vendosin sërish për përbërjen e Kuvendit.

Deklaratat e tij kanë ngjallur reagime në sallën plenare, ndërsa seanca vijon mes debateve të forta politike.