Reagimi i Ermal Mamaqi pas shpalljes së Ilir Shaqiri si finalisti i fundit i Ferma VIP vijon të komentohet gjerësisht në rrjetet sociale.

Opinionisti tërhoqi vëmendjen gjatë transmetimit live kur u ngrit menjëherë nga karrigia dhe festoi me entuziazëm momentin kur Arbana Osmani lexoi emrin e Ilirit, duke i siguruar atij vendin e fundit në finale përballë Sara Karaj.

Por ajo që ka nxitur edhe më shumë diskutime është fakti se pas rifillimit të Prime-it, Mamaqi nuk është parë më në karrigen e opinionistit. Mungesa e tij në pjesën e mbetur të spektaklit ka ngritur menjëherë pikëpyetje dhe aludime mes ndjekësve.

Në rrjetet sociale, shumë komentues kanë spekuluar se largimi i tij mund të lidhet me një vendim të produksionit pas reagimit gjatë transmetimit live. Megjithatë, deri në këto momente nuk ka asnjë reagim zyrtar nga produksioni i Ferma VIP apo nga vetë Ermal Mamaqi që të sqarojë arsyen e mungesës së tij.

Për rrjedhojë, çdo pretendim mbi një masë apo ndërhyrje nga produksioni mbetet në nivel spekulimesh dhe nuk është konfirmuar zyrtarisht.

Ndërkohë, vëmendja është zhvendosur te finalja e madhe e Ferma VIP, e planifikuar për më 15 qershor, ku mbetet për t’u parë nëse Mamaqi do të rikthehet në panelin e opinionistëve.