Kryeministri në detyrë dhe lideri i Lëvizjes Vetëvendosje, Albin Kurti, ka mbërritur në Kuvendin e Kosovës për të pritur në takim kryetarin e Partisë Demokratike të Kosovës (PDK), Bedri Hamza, në kuadër të konsultimeve për formimin e institucioneve të reja.

Pak çaste më vonë, në ambientet e Kuvendit ka mbërritur edhe kreu i PDK-së. Para nisjes së takimit, Hamza deklaroi se po i përgjigjet ftesës së Kurtit, ndërsa theksoi se PDK nuk ka ende një emër konkret për postin e presidentit.

“Po i përgjigjemi ftesës së Kurtit. Nuk kemi emra konkretë për presidentin dhe do t’u qëndrojmë prapa parimeve me të cilat kemi garuar në zgjedhjet e 7 qershorit”, u shpreh Hamza.

Takimi mes Kurtit dhe Hamzës vjen në një moment vendimtar për skenën politike në Kosovë, teksa pritet të shihet nëse konsultimet do të sjellin përparim drejt zhbllokimit të procesit të formimit të institucioneve të reja.