Dasma madhështore e Taylor Swift dhe Travis Kelce, e organizuar në Madison Square Garden në New York, besohet se ka kushtuar mbi 26 milionë euro, duke u renditur mes ceremonive më të shtrenjta të organizuara ndonjëherë në botën e showbiz-it.

Sipas raportimeve, vetëm transformimi i arenës në një ambient intim për ceremoninë kapte vlerën e rreth 8.8 milionë eurove, ndërsa dekori luksoz kushtoi afro 4.4 milionë euro.

Në dasmë morën pjesë rreth 1.100 të ftuar, ndërsa shpenzimet për ushqimin, shërbimin dhe organizimin e eventit llogariten në rreth 2.6 milionë euro.

Çifti kishte përgatitur gjithashtu dhurata të personalizuara për të gjithë të ftuarit, duke përfshirë sete qirinjsh, suvenire me inicialet e tyre dhe aktivitete të veçanta përgjatë mbrëmjes.

Ceremonia mblodhi një numër të madh figurash të njohura nga muzika, kinemaja dhe sporti, mes tyre Gigi Hadid, Bradley Cooper dhe shumë emra të tjerë.

Taylor Swift dhe Travis Kelce konfirmuan fejesën në gusht të vitit 2025, ndërsa dasma e tyre tashmë po konsiderohet si një nga ngjarjet më luksoze dhe më të komentuara të showbiz-it.