Pas javësh spekulimesh për një krisje të mundshme në raportin mes tyre, Gjesti dhe DJ Gimbo janë shfaqur sërish së bashku, duke i dhënë fund aludimeve që qarkullonin në rrjet.

Mungesa e daljeve publike të dy artistëve kishte nxitur dyshime te fansat për një distancim mes dy miqve dhe bashkëpunëtorëve, të njohur për afërsinë dhe projektet e suksesshme muzikore.

Megjithatë, para koncertit të fundit në Shëngjin, Gjesti publikoi në rrjetet sociale një fotografi me DJ Gimbon, ku të dy shfaqen të buzëqeshur, duke treguar se marrëdhënia mes tyre vijon të jetë e pandryshuar.

Ky moment është interpretuar nga ndjekësit si një përgjigje ndaj zërave për një konflikt, duke konfirmuar se bashkëpunimi artistik mes tyre vazhdon.

Gjesti dhe DJ Gimbo korrën një sukses të madh me albumin e publikuar në muajin maj, i cili u prit mjaft mirë nga publiku dhe u shndërrua në një nga projektet më tëkomentuara të periudhës.