Është publikuar fotoja e Refit Buzit, 35-vjeçarit që dyshohet se vrau me armë gjahu ish-vjehrrin e tij dhe plagosi ish-vjehrrën gjatë ngjarjes së rëndë të regjistruar mëngjesin e së premtes në fshatin Vidhisht, në Roskovec.

Sipas të dhënave paraprake, pas krimit ai u largua nga vendngjarja me automjet, duke marrë me vete edhe ish-bashkëshorten e tij.

Autoritetet vijojnë kërkimet intensive për lokalizimin dhe kapjen e 35-vjeçarit, ndërsa grupi hetimor po punon për zbardhjen e plotë të rrethanave dhe motivit të ngjarjes.

Pretendimet se ish-bashkëshortja është marrë peng nuk janë konfirmuar zyrtarisht nga autoritetet deri në këtë fazë të hetimeve.