Një aksident është regjistruar mbrëmjen e djeshme në aksin rrugor Shëngjin–Lezhë, ku dy automjete janë përplasur me njëri-tjetrin.

Si pasojë e aksidentit, katër persona kanë mbetur të lënduar, mes tyre edhe dy fëmijë.

Të plagosurit janë transportuar fillimisht për të marrë ndihmë mjekësore. Sipas informacioneve paraprake, ata nuk paraqesin rrezik për jetën.

Për shkak të gjendjes së tyre dhe nevojës për ekzaminime më të specializuara, të lënduarit janë nisur drejt Spitalit të Traumës në Tiranë, ku do të vijojnë trajtimin mjekësor.

Në vendngjarje ka mbërritur Policia, e cila ka nisur hetimet për të përcaktuar dinamikën e aksidentit dhe shkaqet e përplasjes.