Duke u nisur nga situata epidemiologjike në vend, Komiteti Teknik i Ekspertëve ka vendosur disa masa përsa i përket udhëtimeve drejt Shqipërisë.

Të gjithë qytetarët që hyjnë në territorin tonë, duhet të paraqesin një prej 3 dokumenteve:

Pasaportën e vaksinimit të plotë
Testin negativ të PCR ose antigenik
Provë për kalimin e infeksionit

Kështu, duke nisur nga 6 shtatori, kush do të hyjë në kufijë e territorit shqiptar duhet të këtë pasaportë vaksinimi, test PCR brenda 72 orëve ose provë të kalimit të covid, 6 muaj pas shërimit, si dhe karantinë për 10 ditë.

Në ndërtesën e aeroporteve do të lejohen të hyjnë vetëm pasagjerët që udhëtojnë, duke shmangur shoqërimin nga familjarë të tyre. Këta pasagjerë duhet të zbatojnë me rigorozitet mbajtjen e maskës, ashtu siç është rekomanduar dhe siç po reflektohet ky ndryshim edhe në protokollin e funksionimit normal të aeroporteve.

“Duke filluar nga data 6 shtator, qytetarët që hyjnë në Shqipëri nga të gjithat pika kufitare duhet të plotësojnë një nga këto tre kushte. Të paraqesin pasaportën e vaksinimit, ku data e vaksinimit të plotë të jetë jo më e vonshme se dy javë nga data e hyrjes në kufi. Të kenë testin PCR negative brenda 72 orëve ose testin e shpejtë antigenik brenda 48 orëve ose të kenë provë të kalimit të infeksionit të vlefshme deri në 6 muaj pas shërimit. Kjo është e vlefshme dhe pë rata qytetarë të cilët kalojnë tranzit në Shqipëri. Fëmijët nën 6 vjeç nuk i ushtrohen këtyre vendimeve. Qytetarët shqiptarë resident në Shqipëri që kthehen dhe nuk kanë një nga dokumentet e sipërcituara, do të izolohen për 10 ditë dhe do njoftojnë autoritetet shëndetësore për të bërë testin” – tha Rakacolli.