Presidenti i Republikës Ilir Meta ka vlerësuar sot në Korçë pas vdekjes filantropistin e shquar Selim Mborja, pronari i parë i fabrikës së birrës Korça. Meta tha se ai i ka dhënë shumë Korçës dhe veprimtaria e tij në jetën sociale e kulturore e bëri një prej donatorëve më të mëdhenj.
“Jam i lumtur që ndodhem për të vlerësuar një personalitet si filantropisti Selim Mborja. Ai i ka dhënë shumë Korçës dhe Mborjes. Veprimtaria e tij intensive e bëri një prej donatorëve më të mëdhenj. Ai ishte shumë aktiv në jetën sociale e kulturore. Me emrin e tij lidhet krijimi i Birra Korçës. Në 1925 filloi ndërrimin e centralit elektrik. Emri i tij gjendet tek gazeta e re e shumë të tjera. Ndihmoi furnizimin me ujin të pijshëm, ndihmoi në ngritjen e prefekturës. Atë e dallonte dashuria e dhembsuria, dhuroi tokën e tij për ndërtimin e spitalit të Korçës”, u shpreh Meta.
Ka qenë mbesa e filantropit, Mimoza Haxhihyseni ajo ka marrë titullin për merita të veçanta civile, teksa shprehu dhe një kërkesë. Ajo kërkoi që Spitalit Rajonal të Korçës t’i jepet emri Mustafa Selim Mborja si dhurues i truallit të spitalit.
