Ka nisur protesta e thërritur nga ish-kryeministri Sali Berisha. Ashtu siç u paralajmërua, me të mbërritur para kryeministrisë, një sërë personazhesh të njohur të opozitës, nisën të flisnin në podiumin e ngritur. I pari që e mori fjalën ishte ish-deputeti Aldo Bumçi.
Bumçi në fjalën e tij u shpreh se shqiptarët janë sot në protestë kundër projektit serb Open Balkan, i cili ka si synim izolimin e Kosovës.
Ai ka treguar arsyet se përse ndodhen këtë të hënë në protestë, ku një ndër to sipas tij është aleanca që pati fillimisht Rama-Vuçiç për ndarjen e Kosovës dhe e dyta për krijimin e Ballkanit të Hapur, që ka për qëllim sipas Bumçit, izolimin e Kosovës.
“Kemi ardhur sot të protestojmë kundër Ballkanit të Hapur, projekt i cili do të çimentojë regjimet autoritare. Ata të cilët bënë aleancë me krimin që krijuan narkoshtetit, hiqen tani sikur janë garantuesit e paqes në Ballkan. Në 2013-ën u arrit marrëveshja e Brukselit ku investimi i Amerikës ishte një njohje përfundimtare nga Serbia. Kur pritej një marrëveshje e madhe aleanca Rama-Vuçiç paraqiti projektin e ndarjes së Kosovës. Ky është dëmni më i madh që Edi Rama i ka bërë shqiptarëve, Kosovës dhe stabilitetit në rajon. Ky projekt dështoi, por pas projektit për ndarjen e Kosovës vijuan me mini-shengenin që tani quhet Open Balkan, synojnë të izolojnë Kosovën me këtë projekt.
Me këtë duan të realizojnë izolimin e Kosovës. Ballkani i Hapur është fasada që Rama i jep Vuçiç. Rama i bën fasadën dhe thotë që ai është një lider evropian. Ky është Rama, që sot është dyshues për Kosovën. Ka vetëm një projekt evropian, nuk është projekt Evropian Ballkani i Hapur. Ka vetëm një rrugë drejt Evropës, për të ndërtuar shoqëri demokratike e kjo arrihet duke ndërtuar opozitë. Opozita është e qartë, është në shesh, e këtë rrugë që kemi nisur do e çojmë deri në fund. Fitore, fitore, fitore. Protesta, protesta, protesta!”, tha Bumçi.
Ish ministrit të Millosheviçit i cili po flet për Serbinë e Madhe, po kërcënon Bosnjën, po i pastron imazhin Edi Rama duke e paraqitur si europian. Ka vetëm një rrugë për të ndërtuar rrugë demokratike dhe sot opozita është në këtë shesh dhe nuk do e ndaloj më këtë vrull që kemi nisur deri sat ë rrëzojmë këtë regjim”, tha Bumçi.
