Ish kandidatja për kryetare të Partisë Demokratike, Edith Harxhi gjatë fjalës së saj në protestën e thirrur nga ish-kryeministri Sali Berisha  e ka konsideruar një përrallë nismën”Ballkani i Hapur”.

Edith Harxhi tha se kombi ynë është sot në rrezik nga kryeministri i Shqipërisë dhe presidenti i Serbisë, dhe ata që i paguajnë këta të fundit.

Harxhi u shpreh se  sot kombi është në rrezik nga Rama e Vuçiç që po tentojnë të joshin Kosovën.

“Bashkëkombës shqiptarë, Rroftë Kosova! Ballkani Hapur nuk është gjë tjetër pëveçse përfshirja jonë në ish-Jugosllavi në Jugosferë, një përrallë e shëmtuar që po serviret si hyrje në Europë. Kanë nxjerrë Kroacinë dhe Slloveninë dhe tani po përpiqen të fusin Shqipërinë dhe të joshin Kosovën. Më lejoni të pyes Ramën, sa njohje i ka dhënë Kosovës këto 9 vite? Zero. Ka shëtitur disa herë në Beograd. Ku jemi sot, në këtë shesh të madh si këtu e në vitin 99’ ku dolëm sërish ne, një komb një qëndrim.

Kombi ynë është në rrezik, që vjen nga Rama dhe Vuçiç dhe ata që paguajnë Ramën dhe Vuçiçin që u kanë dhënë mision të djegin Ballkanin. Ku ndodhet sot ish-kreu i PD Basha, gjoja nipi i Pejës. Absolutisht nuk ka bërë asgjë në katër vitet e fundit. I them Edi Ramës dhe Vuçiçit, për mua dhe miliona shqiptarë Kosova është Jeruzalemi ynë, është Meka jonë”, tha Harxhi.