Më datë 27.11.2020, rreth orës 01:00, në lagjen “Hajro Çakërri”, Vlorë, ka rënë zjarr dhe është djegur plotësisht automjeti i markës “Nissan”, në pronësi të shtetasit F. S.
Grupi hetimor po punon për zbardhjen e rrethanave të ngjarjes.
Sipas të dhënave paraprake mësohet se automjeti me targa AA 091 NB ishte në pronësi të shefit të Paraburgimit të Vlorës, Feim Alisinanit.
Mësohet se dy persona të cilët kanë ardhur nga një rrugicë aty pranë kanë thyer xhamin dhe i kanë vënë flakën. Si pasojë e djegies automjeti ka shpërthyer, por ende nuk bëhen të ditura detaje të tjera rreth ngjarjes.
