Inspektoriati Shtetëror Shëndetësor ka mbyllur Gjykatën e Apelit në Vlorë pas rasteve me COVID-19 brenda këtij institucioni.
Pikërisht kjo gjykatë në qytetin bregdetar do të qëndrojë e mbyllur për 14 ditë.
Burime nga qyteti i Vlorës bëjnë me dije se 6 persona janë konfirmuar me COVID-19 dhe 7 të tjerë janë në pritje të përgjigjes së tamponit.
Sipas të dhënave aktuale të Ministrisë së Shëndetësisë dhe Mbrojtjes Sociale në qytetin e Vlorës janë të infektuar 974 persona, prej të cilëve 24 janë shtruar në spital ndërsa 2 të tjerë janë në terapi intensive.
Që prej fillimit të pandemisë, qarku i Vlorës është një nga më të prekurit, përfshirë këtu edhe qytete të tjera të prekura si Tirana, Durrësi, Fieri, Korça dhe Shkodra.