Kane mbërritur në ambientet e Gjykatës se Shkallës së Parë të Elbasanit Horgito Peqini, autori vrasjes se 33-vjeçarit Madrit Ulqinakut dhe miku i tij, Klaudio Sallufi. Sot jepet masa e vlerësimit të arrestimit, pasi Prokuroria Elbasan ka kërkuar masën arrest me burg.
Gjyqtare e seancës është Pajtime Fetau, ndërsa Prokuror Arben Berexha. Avokatët u zgjodhën nga gjykata, ku do të jenë Ervis Syrtyku dhe Ramadan Hoxha.
Pas vrasjes Horgito Peqini u arratis, ku policia u vu për disa ditë në kërkim të tij pa mundur ta kapin. Kane qenë familjaret e Horgito Peqinit të cilët çdo ditë ishin në komisariatin e Policisë Elbasan pasi kanë dashur shoqërimin e tij. Në fund, 18-vjeçari u vetdorëzua ku më pas tregoi dhe se ku e kishte hedhur armën me të cilën kreu vrasjen.
Si ndodhi ngjarja
Horgito Peqini dhe Kaludjan Sallufi së bashku me Ejden Dinon, i cili u arrestua 2 ditë pas ngjarjes së rëndë ishin në shoqërinë njëri-tjetrit kur u përballën me Madrit Ulqinakun dhe shokun e këtij të fundit. Në seancën gjyqësore ku u dha masa e sigurisë ‘arrest me burg’, Dino tregoi se së bashku me dy miqtë e tij thotë se kishin konsumuar lëndë narkotike dhe kishin dalë në rrugë me armë të ftohta.
Ai kishte një thikë ndërsa autori Horgito Peqini një pistoletë. Mbrëmjen e 17 gushtit, kanë qenë duke lëvizur në rrugë nën efektin e drogës teksa janë përballur me viktimën Madrit Ulqinakun dhe shokun e këtij të fundit ku i kanë kërkuar llogari pse po i shihte dhe se përse e bënë pis. Në konflikt e sipër 18- vjecari Horgito Peqini ka nxjerrë pistoletën dhe qëlloi nga pas 33 vjeçarin duke i shkaktuar vdekjen e menjëhershme.
