Pavarësisht se nuk ka pasur asnjë rezistencë, përveç IKMT-së, në “Prestige Resort” vihet re edhe një numër i lartë i forcave policore, gjë që ka shkaktuar panik te turistët e pranishëm në resort.

Menaxherja e përgjithshme e ‘Prestige Resort’ pohoi se turistët shqiptarë dhe të huaj po ikin nga hoteli të zhgënjyer.

Menaxherja tha se turistët po ikin jo vetëm nga resorti, por edhe nga Shqipëria, ndërsa zor se mund të kthehen vitin tjetër.

“Kemi shumë njerëz këtu. Jemi full. Kur sheh këto gjera, që nisin zhurmat, të gjithë thonë çfarë politike është kjo, që politika sulmon resortin?! Disa po ikin. Jo vetëm nga Resorti, por nga Shqipëria. Kjo është diçka e shëmtuar për turizmin. Ne kemi pasur një sezon të mirë, por vitin tjetër, s’besoj se do të ketë fluks. Kjo për shkak të këtyre që ndodhin. Shqipëria duhet të ndërtojë dhe jo të shkatërrojë. Jam e keqardhur.”, tha menaxherja.

Më herët inxhinieri tha se IKMT po kryente shembje të paligjshme duke prishur dyfishin e hapësirës së përcaktuar në fillim.