Kina i është kundërpërgjigjur akuzave të SHBA-ve për spiunazh, duke thënë se që prej janarit të 2022, në territorin kinez kanë fluturuar më shumë se 10 balona dhe se Uashingtoni e ka ekzagjeruar situatën duke përdorur pretekst për sanksionimin ilegal të ndërmarrjeve kienze.

Akuza e bërë nga Ministria e Jashtme kineze pa prova, vjen pak ditë pasi Kina po përgatitjet të rrëzonte një objekt të paidentifikuar që fluturonte pranë bregdetit të saj lindor.

Zëdhënësi i ministrisë Wang Wenbin gjatë një konference për shtyp tha se “është e zakonshme që balonat amerikane të hyjnë ilegalisht në hapësirën ajrore të vendeve të tjera. Vetëm që nga viti i kaluar, balonat amerikane në lartësi të mëdha kanë kaluar ilegalisht hapësirën ajrore të Kinës më shumë se 10 herë pa miratimin e autoriteteve përkatëse kineze”.

Wang akuzoi SHBA-në për dërgimin e shpeshtë të anijeve dhe avionëve luftarakë për të kryer zbulime kundër Kine, ku pretendon se vetëm në vitin 2022 kanë zbarkuar 657 herë, ndërsa vetëm për janarin 64 herë.

“SHBA ka abuzuar me avantazhet e veta teknologjike për të kryer përgjime dhe vjedhje të fshehta të sekreteve nga e gjithë bota, përfshirë edhe nga aleatët e saj,” tha Wang, duke shtuar se SHBA është “perandoria më të madhe e mbikëqyrjes në botë”.

Në lidhjet me akuzat e SHBA-së më datë 4 shkurt për zbulimin e një balone kineze në territorin e saj, Wang tha se “Kina është shumë e pakënaqur me këtë dhe e kundërshton me vendosmëri. Ne do të marrim masat e nevojshme për të mbrojtur me vendosmëri të drejtat dhe interesat legjitime të ndërmarrjeve dhe institucioneve kineze”.

Më tej akuzoi SHBA-në për “ekzagjerim” të situatës dhe “duke e përdorur atë si pretekst për të sanksionuar ilegalisht ndërmarrjet dhe institucionet kineze”.