Një turiste boshnjake ka humbur jetën sot në plazhin e Durrësit.

S.V., 60 vjeç dyshohet se ka ndërruar jetë sapo ka rënë në kontakt me ujin në det, pasi ka pësuar arrest kardiak. Ajo ishte banuese në Bosnje Hercegovinë dhe kishte ardhur në plazhin e Durrësit për pushime.

Grupi hetimor po vijon punën për sqarimin e plotë të ngjarjes.

Njoftimi i Policisë:

Rreth orës 13:20, në lagjen nr.13, dyshohet se sapo ka rënë në kontakt me ujin, në det, ka pësuar arrest kardiak dhe si pasojë ka humbur jetën, shtetasja S. V., 60 vjeçe, banuese në Bosnje Hercegovinë.

Grupi hetimor vijon punën për sqarimin e rrethanave të kësaj ngjarjeje.