Kreu i PD-së Lulzim Basha ishte në Fier ku paraqiti përpara qytetarëve pikat kryesore të Reformës Zgjedhore.

Theksi u vu tek Listat e Hapura të cilat do të mundësojnë që deputetët të zgjidhen direkt nga votuesit dhe jo nga kryetari. Sipas Bashës kjo do të jetë kthimi në normalitet i zinxhirit zgjedhor.

Ndaj kësaj ka dhe zëra kundër, edhe brenda PD-së pasi sipas Bashës duan të zgjidhen direkt nga kryetari dhe jo të merren me njerëzit.

Lulzim Basha: “Shqiptarët nuk kanë mundësi të votojnë dhe të çojnë në parlament atë person që votojnë edhe kur personi merr 9000 vota, dikush tjetër merr 1000 vota dhe shkon në parlament, listat e hapura nuk janë thjesht zotim i yni. Janë shprehje asaj që marrim nga takimet me njerëzit. Është kthimi në normalitet i zinxhirit zgjedhor. Ka dhe zëra kundër ndaj listave të hapura, edhe në PD. Më mirë e shohin të futur veten në listë se sa të trokasin derë më derë që të fitojnë besimin e qytetarëve. Kush tha që puna e deputetit të jetë fushë me lule. Fushë me lule e kërkojnë ata që njerëzit dhe hallet e tyre i shohin si mjete për të ardhur në pushtet dhe të administrojnë pushtetin.”