Media italiane Europa Today ka shprehur shqetësim për mesazhet e presidentit serb Aleksandër Vuçiç, i cili foli për kohë të vështira për popullin e Serbisë, por gjithashtu u zotua të luftonte për fitoren e saj. Autorja Alessia Capasso nënvizon se “jo vetëm në Kosovë, por në gjithë Ballkanin po fryjnë erëra të rrezikshme”, duke u referuar në kërcënime ekzistenciale ndaj Serbisë të përmendura nga Vuçiç.

Artikulli vë në dukje datat e 5 dhe 6 majit, kur pritet të mbahet Asambleja e Madhe e Pashkëve, ku pritet të merren vendime të rëndësishme për mbijetesën e popullit serb. Autorja thekson se këto mesazhe shqetësuese shtyjnë përpara hipotezën për një njoftim për bashkim mes Serbisë dhe Republikës Srpska, duke paralajmëruar se nëse kjo ndodh, tensionet në Ballkan mund të rikthehen.

Artikulli gjithashtu përmend tensionet e vazhdueshme mes Serbisë dhe Kosovës, si dhe dëshirën e Milorad Dodikut për të ndarë Republikën Serbe nga Bosnja. Bashkimi Europian ka hapur negociatat për anëtarësim për të frenuar idetë separatiste në Bosnje dhe Hercegovinë, por Dodik nuk e ka pranuar këtë vendim. Sipas mediave italiane, edhe presidenti rus Vladimir Putin mbështet idenë për bashkimin e Republikës Srpska me Serbinë.